/ 港人北上的浪漫約會 /

// 02 04 23 晴天🌞 20:00 深圳 萬象前海購物中心 @牛排家 而家慶祝生日或者約會，食餐儀式感滿滿嘅西餐係必須，雖然香港有好多選擇，但偶然都想轉換吓環境，希望比身邊摯愛帶嚟一份特別嘅驚喜。 今次喺「深圳南山區」，就俾我搵到間好適合𝘥𝘢𝘵𝘪𝘯𝘨嘅餐廳。 「牛排家」 ——— 聽佢個名就知道係專門食牛扒嘅地方，味道方面絕對有信心保證。不過，講到最吸引我，就係餐廳浪漫嘅氛圍，裏面大大小小嘅裝飾同佈置都散發出一股華麗質感。 每當踏入晚上，餐廳更將燈光調校至暗黃色，喺柔和燈光配合下，確實令人有多一種既心動又溫馨嘅感覺。 另外，餐廳亦提供生日免費佈置｜生日蛋糕｜長壽麵，希望為食客們製造一段，更加特別及完美嘅浪漫回憶！ - 𝑻𝒉𝒂𝒏𝒌𝒔 𝒇𝒐𝒓 𝒕𝒉𝒆 𝒃𝒆𝒂𝒖𝒕𝒊𝒇𝒖𝒍 𝒎𝒆𝒎𝒐𝒓𝒊𝒆𝒔 𝒚𝒐𝒖 𝒍𝒆𝒇𝒕 𝒕𝒐 𝒎𝒆!!!🤍 - 🔻雙人套餐 ꕀ 🔻堅果核桃 & 蔓越莓乾穀物麵包 穀物麵包外層酥脆 內裏鬆軟 入面會有堅果、核桃、蔓越莓乾 就算唔點油醋汁 都一樣好味 🔻法式凍鵝肝醬配黃油麵包 厚厚嘅鵝肝 配搭𝘔𝘰𝘶𝘴𝘴𝘦及紅莓醬後 入口非常絲滑 唔腥 完全做到入口即化嘅感覺 🔻熟成極佳級 美國安格斯肉眼排 (果木炙烤) 𝟑𝟎𝟎𝒈 上碟嗰陣 聽住佢煎到滋滋聲 已經夠療癒 再配埋 視覺上嘅粉嫩肉質 同嗅覺上嘅濃厚牛香 完全集齊色香味俱全 五成熟嘅安格斯肉眼扒 食起嚟外皮微微焦脆 內裏鮮嫩、多汁 豐富嘅牛脂油香 每一啖都滲透喺口腔裏面 𝘊𝘗值超高 而且兩個人食份量亦啱啱好 🔻黑松露牛肉粒炒飯 粒粒分明嘅米飯 吸收黑松露精華後 味道變得獨特迷人 當中更帶蔥油香氣 米飯入口有點黏黏、煙靭嘅質感 最重要係唔油膩 做得相當唔錯 🔻甄選時令水果 士多啤梨忌廉蛋糕 鋪滿大量香甜士多啤梨 忌廉奶味濃郁 甜度恰到好處 海綿蛋糕做到一個濕潤嘅口感 每層嘅中間 仲夾咗勁多士多啤梨肉 🔻青檸羅勒碰香水檸檬 香水檸檬 味道突出 再加埋青檸嘅微酸 & 新鮮嘅羅勒葉 效果出嚟非常之清爽、開胃 🔻美式咖啡 ꕀ #深圳探店#萬象前海購物中心#牛排家#深圳牛排家#熟成牛#深圳美食#深圳好去處 🪴有興趣可以follow我嘅IG：Aria___.k https://instagram.com/aria___.k?igshid=OGQ5ZDc2ODk2ZA%3D%3D&utm_s